РОҲИ РОСТ ВА САДОҚАТПЕША ДАРОЗТАР АСТ!

Баъзан пандҳо аз таҷрибаи рӯзгор ва ҳаёти бузургон ҳамчун роҳнамои хонандагони сомона манзур мегардад.

ДАР БОБИ ДАСТГИРӢ ВА ПЕШБАРӢ

  • Корҷӯяндаро кор додан рисолати соҳибкор аст, вале ҳиммати хирадманд ӯро кор омӯзонидан ва дарёфти роҳи корро нишон додан аст, зеро роҳёбӣ бартар аз корёбист!


  • Шарти шахси гуруснаи бохирад аз моҳидори хайрпеша на гирифтани моҳӣ, балки омӯхтани ҳунари моҳидорӣ мебошад, зеро хӯрдани моҳӣ ӯро як лаҳза аст, аммо нафъ аз ҳунари моҳидорӣ як умр.


  • Инсон ҳамеша ниёз ба навозиш ва таваҷҷуҳ дорад, вале сарвар /идоракунанда аз он бояд ҳамеша дурӣ ҷӯяд.


  • Мулкро бо навозишу меҳрубонӣ обод нахоҳӣ кард, дар ин роҳ мебояд иродаи қавӣ дошт, қатъӣ, сахтгир ва серталаб буд.


  • Ба болои ҳар донишманде донишманде ҳаст!


  • Инсонро тамоми ҳаёт ниёз ба роҳнамое ҳаст, аммо роҳнамоӣ на ҳар касро хос аст, ба ҷуз хирадмандон.


  • Дар ин дунё ҳама мемиранд, вале кам одамоне ҳастанд, ки дар ҳақиқат зинадгӣ мекунанд.


  • Идоракунӣ ва фармонфармоӣ ҳар касро метавонад бошад, аммо роҳнамоӣ ва пешбарию пешвоӣ танҳо хоси хирадмандон аст.


  • Идоракунӣ на дар фармонбарорию дарбарндӣ ва на дар талаби фармонбардорӣ аст, балки санъати роҳкушоӣ ва дарёфти роҳи фармонравии роҳкушоён аст.

ДАР БОБИ БОВАРӢ ВА САДОҚАТ

  • Боварӣ, эътимод ва садоқат барои инсон манбаи тавлиди орзую умедҳои нек ба оянда мебошад, пояи меҳр ва муҳаббатро устувор мегардонад.


  • Боварӣ асоси зиндагии имрӯзи инсон аст, сазовор набудан ба он баробар ба набудани ҳаёт аст.


  • Ҷамъият барои инсони оқил дар созгории ҳаёт такягоҳ аст, аммо он барои инсони беандеша манбаи ғаму андуҳ ва нокомиҳо.


  • Аҳдшиканӣ, беандешагӣ ва пеш гузоштани нафси ҳаловатовар оқибат ба гумроҳӣ, нопокӣ ва хиёнат, на танҳо ба наздикону дӯстон, балки ба худи инсон оварда мерасонад: — як лаҳзаи садоқат ва эътимоднокию осудагӣ беҳ аз ҳазорон, ҳазорон лаҳзаи ҳаловатовари беҳайёист.


  • Нафси ҳаловатпеша инсонро лаҳзаест, вале оқибати доғдори он як умр.


  • Инсон-зан ҳамеша бояд бордори як боғ бошад, вагарна харобкунандаи ҳамагуна боғ мегардад; имрӯзу охирати худро барбод медиҳад.


  • Касро агар нафси ӯ гумроҳ кард, ҳеҷ роҳи ростро намепазирад, кар мешавад, кӯр мегардад; гӯё худ танҳо ҳақ асту боқӣ ҳама ноҳақ.

This entry was posted in Сах. точики by miraliyon. Bookmark the permalink.

About miraliyon

MIRALIYON QIYOMIDDIN ABDUSALIMZODA – Doctor of Political Sciences, Member of Parliament of Tajikistan (V-th convocation), Winner of Award in the name of Ismoili Somoni for young scientists in the field of science and technology

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход /  Изменить )

Google photo

Для комментария используется ваша учётная запись Google. Выход /  Изменить )

Фотография Twitter

Для комментария используется ваша учётная запись Twitter. Выход /  Изменить )

Фотография Facebook

Для комментария используется ваша учётная запись Facebook. Выход /  Изменить )

Connecting to %s